المحامية مريان شهاب الراعي تهاجم قماطي: لبنان بين هيبة الدولة وفوضى الشارع
كتبت المحامية مريان شهاب الراعي عبر منصة اكس : يا حضرة الوزير قماطي… اللي مفروض تكون تعلّمت شو يعني دولة كونك كنت وزير فيها! الصبر بيكون على وجع يا عزيزي مش على دولة!
الدولة مش عدو حتى ينفذ صبركم عليها…
الدولة هي المرجع وهي القانون وهي اللي مفروض الكل يخضع لإلها مش العكس.
بس الواضح إنو بصير بدكم الدولة
بس وقت بدها تهتم بناسكن اللي هجّرتوها ودمّرتوا بيوتن من روا حروبكم العبثية!!!!
أما بس ما تمشي على مزاجكن؟
بتصير عدو وبتتهدّد!
التهديد يا عزيزي بتسونامي بشري مش قوة…
هيدا اعتراف واضح إنو في ناس بعدها بتفكّر إنو الشارع أقوى من المؤسسات!!!
لبنان ما راح فيكم تبنوا بالتهديد…
ولا راح ينحكم بمنطق إذا ما مشي الحال معنا منفجّر البلد!!!
إذا في خلاف مع الدولة، في دستور… في مؤسسات… في قانون وفي ممثليكم بالدولة!!!
أما لغة الضغط والترهيب؟
هيدي تحديداً اللي دمّرت البلد ووصلتنا لهون!
والأخطر من التصريح هو العقلية اللي بعدا معتبرة إنو الدولة خيار… مش مرجعية!!!
نحنا بدنا دولة… مش “صبر” على الدولة!
واللي عندو مشكلة مع الدولة والشرعية وانها بتمثّل ٧٠٪ من اللبنانيين على الاقلّ اذا مش اكثر… يا بدو يخضع لالها …يا هيدا البلد ما بناسبوا ويهاجر لان انتو هيك بتجاوبونا بس نحكيكم بمنطق الدولة والمؤسسات وبتخونونا وبتعملونا صهاينة 🇱🇧
