مريان شهاب الراعي في عيد الجيش: أنتم السند الأخير للدولة وضمانة لبنان

كتبت المحامية مريان شهاب الراعي عبر منصة اكس :

من سنة ٢٠١٩ لهلّق، مرق الجيش اللبناني بأصعب سنين يمكن عرفها بتاريخو… انهيار اقتصادي، أزمات ما بتنتهي، انفجار المرفأ، حروب، اعتداءات، توترات، وضغوط ما بتنحمل… ومع هيك، بقي واقف.

بقي حامل علم لبنان، وحارس الشرعية، وما ترك موقعو رغم كل التعب والظلم والإمكانيات المحدودة.

اليوم، كل التحية لكل ضابط ورتيب وجندي لبس البدلة العسكرية بإيمان، وكمّل رسالتو رغم إنو كان في ألف سبب يخليه يستسلم.

أنتم السند الأخير للدولة، والدرع يلي بعدو حامي الوطن ومؤسساته وشرعيتو.

كل الاحترام لإلكن، ولكل عيلة عاشت القلق ونطرت ابنها أو زوجها أو أخاها يرجع سالم.

الله يحمي الجيش اللبناني، ويحمي رجالو، ويرحم الشهداء ويعطيكن القوة تكفّوا رسالتكن بشرف، لأنو وجودكن هو ضمانة لبنان.

كل عام والجيش اللبناني بألف خير 🇱🇧